35
Nurijah pandai batutua maambiak hati banjak ladajo urang banjak.
Kan io samaso itu rapek ditutuik anjo lai kalua urang babondong-bondong kalua pulo si Nurijah guru mananti dimuko pintu badjalan Nurijah djo guru Amia.
Bakato Siti Nurijah lah litak paruik tuan hambo nan balun batanak dek ulah pai dalam rapek katonjo si Nurijah bakato kaguru Amia mandjawab guru Amia usah batanak adiak kanduang elok kito kalosimin paruik uan sangaik lapa bana.
Mandanga kato guru Amia galak tasanjum gadih Nurijah badjalan djuo kaduonjo tibo di losimin Sinar Padang losimin barasiah masakan Djawa tem paik makan urang bapangkaik sarato urang kajo-kajo medja kurisi dari rotan tidak sarupo lapau nasi lasisiah tampaik samedja duduaklah Nurijah djo guru Amia sarupo urang laki bini makanan ditatiang dipalajan nasi goreng djo talua sapi sarato mie bes tek kantang duduak baduo ateh kurisi kopi sikalok pakai susu sadang makan bapandangan djuo.
Kan io si Nurijah sudah maalum dalam hati gu ru Amia dimabuak tjinto asmara maraju dalam hati Nurijah tidak urang bodoh balun bakilek lah bakalam ikan takilek dalam aia tantu sadjo djantan batino sudah makan dengan minum rintang barundiang saudiang mandjandiang kato talereng rumah sikolah guru Amia mamudji adok-adokan bahaso Nurijah urang pandai lai bahati sosial tidak mamantiangkan diri saurang lai bahati kabangsaan patuik mandjadi ibu sadjati paham sarupo ibu Kartini kato jo guru Amirudin.
Mandanga pudjian guru nantun mandjawab gadih Nurijah usah disamokan djo Kartini Raden Kartini urang gadang alun sapadan djo hambo antah kok djadi babu Kartini katonjo gadih Nurijah bakato
