37
Dari Serang ka Tjimahi
Kudo nan usah dilarikan
Tuan pajah mandjinaki
Manga ka urang dibarikan
Mandanga pantun si Nurijah galak tasanjum Amirudin sudah maalum dalam hati tjinto lai babalasan disangko batapuak sabalah tangan bakato sadang bapantun.
Urang Padang pai karimbo
Maambiak rotan dibalah-balah
Tjinto surang malah hambo
Bak pisau tadjam sabalah
Mandjawab Siti Nurijah usah tuan bakato baitu djauah tahibo hati kami.
Pulau Pandan djauah ditangah
Dihaliak Pulau Angso Duo
Hantjua badan dikanduang tanah
Guno tuan takana djuo
Babunji lontjeng duo baleh
Hari nan sadang tangah hari
Guno tuan djoa dibaleh
Antah djo badan diri
Ajam kuriak rambatan taduang
Ikua mandjelo dalam padi
Ambiak tampuruang bari makan
Tantang rumpun aua Tjino
Dalam daerah tudjuah kampuang
Tuan saurang tampek hati
Nan lain diharamkan
Antah kok tidak tuan tarimo
Kato pantun Siti Nurijah mandanga pantun nan bak kian suko hati guru Amia ruponjo lai samo sajang.
