38
Ado sabanta antaronjo tibo surek dari Zahari surek datang dari Piaman manuruik bunji dalam surek Zahari mamintak surek tjarai surek talak djo lakinjo mandanga bunji surek nantun suko hati Amirudin tasuruah diurang kadatang tamintak diurang kamaundjuakkan.
Kan io guru Amia dibuek surek sabanta itu surek tjarai djo Zahari djatuah sakali talak satu lah sudah surek dibuek dimasuakkan kakantua pos.
Kan io Siti Nurijah sudah maalum dalam hati bahaso guru Amirudin sudah batjarai djo bininjo lorong kapado guru Amia tidak suko djo Zahari saketek tidak manaruah sajang tidak ado nan diharok mamasak mandjamba tidak pandai batanak manggulai tidak pulo rantjak roman dipanggakkan kadang-kadang manaruah hibo hibo maliek si Zahari nan salah mande kanduang anak diadia maso buruak badan djuo marasaikan bakato-kato dalam hati didalam hati si Nurijah sadang duduak bamanuang sorang maliek djuo kahalaman maliek urang nan lalu.
Kan io samaso itu baranti bendi dihalaman lurun urang dalam bendi batigo urang didalamnjo bakato urang nantun mano kau upiak nan duduak bari luruih hambo batatjo disiko rumah si Amia nan bagala Sutan Amirudin urang Piaman anak nantun mandjadi guru injo disiko katonjo urang nantun mandjawab Siti Nurijah io disiko rumahnjo naik karumah malah dahulu lah naik katigonjo.
Kan io Siti Nurijah arif injo maso itu bahaso bapak mande si Amirudin turun injo kahalaman ditolong mambao bungkusan sarato kopor djo kambuik gadang ado sabanta antaronjo lah tibo guru Amia diliek tjando dalam rumah tampaklah ibu djo bapak sarato adiak kanduang si Salamah.
Sukolah hati guru Amia baminjak muko kasukoan
