39
dilawan duduak bapak djo mande diliek adiak gadih gadang.
Sanan bakato mande kanduang lorong kapado si Zahari parampuan ang di Piaman injo mamintak kasudahan surek tjarai dimintaknjo baapo pikiran ang Bujuang.
Sanan mandjawab Amirudin ado sureknjo datang kamari mamintak tjarai djo hambo ruponjo habih untuang badan kami sabanta iko dikirim surek baru babaliak dari pos.
Kan io Siti Nurijah taedang makanan tangah rumah baaleh djo kain putiah sarupo urang baralek tjukuik sagalo matjam gulai.
Sanan bakato si Nurijah manoiah bapak djo mande sarato adiak karano edangan lah talatak elok makan malah dahulu katonjo si Nurijah.
Kan io samaso itu bakisa duduak anjo lai makanlah injo barampek baranak.
Lorong kapado si Salamah sadang makan maliek djuo maliek djo suduik mato jo kapado si Nurijah ruponjo rantjak tjadiak pulo bakato injo pado si Amia manolah tuan kanduang hambo siapo garan gadih nangko bakato sadang galak manih mandjawab Sutan Amirudin lorong kapado anak nangko anak jatim piatu indak ado ibu djo bapak.
Hiduik manompang djo mande tirih mande tirihnjo urang tjilako sangaik pamberang djo anak tirih labiah sarupo budak babali katonjo si Amirudin ditjuraikan sagalo kapandaian sampai kapado laku parangai tidak ado gadih saelok injo ibu djo bapak mandangakan hibo santuo ke Nurijah.
Kan io Siti Nurijah adab taratik kenan tuo bakato djo lunak lambuik sajang ibu djo bapak nan
