41
itu baralek kawin djo guru Amia.
Hari sahari hari itu rintang mandjahik djo marendo satangah mamasak mambuek kuwe bamatjam kuwe dibuek kalua kapandaian si Nurijah baitu djuo si Salamah samo pandai kaduonjo sadang kadapua bagalak-galak samo sasuai kaduonjo.
Maliek rupo kaduonjo sanang hatinjo si Amirudin tapasang kulambu duo lampih kulambu suto putiuak pisang basudji djo banang Ameh sato manjalo sirah kuniang sudji lukisan buruang hakadja lakanak seperai banang suto balukih bungo taratai saruang banta suto itam batarawang awan-awan basutam banang suto pelang buatan gadih Nurijah.
Basusun bungo dikarandjang bungo ros karateh banang sarato bungo banang sajaik sangaik rantjak dipandang mato buatan gadih Salamah.
Kalau diliek dalam biliak rantjak bukan alangalang rupo biliak bak katibung sinuik urang bakaradjo didapua mamasak djo manggulai dilaman mambuek dangau-langau batirai-tirai putiuak anau batabia balangik-langik tampek makan alek datang kurisi basusun ditapi medja medja baaleh kain putiah tapi barendo ramo-ramo makanan taedang ateh medja alek sangaik rami bana banjak surek nan dilapeh ado nan datang dari Pariaman ado nan datang dari Padang Pandjang kawan guru Amirudin datang pu lo kawan Nurijah sagalo sarikaik kaum ibu mambari sumbangan rupiah ameh tando mato salamaik kawin ado manjumbang karangan bungo ado mambari kain badju alek dihibua musik si Bolu musik si Bolu Kampuang Tarandam sarato kongsi gambus gamat anak Kampuang Dobi.
Lorong kapado si Nurijah takanak sanggua anak daro tukang sanggua dari Alang Laweh sanggua basuntiang bungo durian mamakai badju biludu
