sirah sirah tuo batabua ameh dukuah gandola sapanuah dado sarato pakai galang gadang basalempang kain bapolat kan io Siti Nuriah rupo sabagai puti dilangik.
Kan io Sutan Amirudin takanak badju biludu unggu mamakai badju batabua ameh sato manjalo api2 sarawa atjeh tapak itiak pakai saluak ameh paradah sangaik elok dipandang mato sarupo radjo naiak nobaik duduak basandiang dipalamin babunji lagu kaparinjo matjam-matjam pamainan ado badendang dajuang Palinggam satangah manari saputangan ado pulo manari pajuang tari piriang panjudahi laruik malam mangkonjo usai tabukak dunia dinan mudo.
Sadjak kawin djo si Nurijah hati gadang pikiran gabuak baru taraso sanang babini dapek nan dihati buliah pulo kahandak hati biduik salalu basuko-suko.
Kan io si Nurijah urang tjadiak pandai hiduik dek himaik babalandjo tasimpan pitih dikantua pos mukasuik hati mambuek rumah baru satahun injo ba-baua dapek anak laki-laki tjukuik kaduo tahun papak lajia pulo anak parampuan.
Sadjak baranak duo urang sanang hati kaduonjo ubek djariah palarai damam sidingin tamba dikapalo kan io anak nan kaduo makin sahari makin gapuak anak rantjak kaduonjo.
Balam barabah ateh dulang
Tidak dapek dipikek lai
Kalam patah dawaik tatunggang
Indak dapek manjurek lai
Ma'af djo ampun hambo mintak pado anda nan mambatjo.
