7
pulang badjalan balambek-lambek hati kusuik pikiran karu bansaik kasia dikatokan tidak kasia kabalp podusi manjipak pulo sudah takadia garak Allah dalam bansaik sansaro tibo.
Rami pakan di Sitjintjin
Raminjo sampai siang hari
Tampak urang suko misikin
Nan labiah bawa dibadan diri
Sadang bansaik sangsaro tibo
Ado sabanta antaronjo alah tibo didalam rumah diliek Dalima duduak bamanuang mukonjo masam hatinjo kusuik diliek sadjo djo suduik mato.
Diliek pulo mande Dalima mambalahbalah kaju bakato mande Dalima mano kau upiak gurulah datang bakato djo muluik manih papek dilua runtjiang didalam mananam tabu dibibia hati paik bak ampadu.
Bakato Siti Dalima manolah tuan angku guru sarupo iko bansaik badan lah habih barang. kapadjak gadai bialah pulang kami dahulu pado manjeso tuan djuo tuan nan tidak bapikiran sarupo iko. malaruik badan tuan bamain tiok hari tidak ado bahati susah lah njato awak dirantau urang katanjo Siti Dalima.
Mandjawab guru Amirudin, kok itu adiak susah kan usah adiak babali tjameh hiduik didalam tangan Allah salamo susah lai kasanang dangakan diadiak pantun urang.
Subao koto dihulu
Kadjo djo limo koto
Sadang indak saba dahulu
Nantikan sadjo katikonjo
Katonjo guru Amia hati didalam tidak sanang mandjawab Siti Dalima.
