Dek lamo lambek injo manangih alah sahari mait dirumah ganok katigo hari mait tak bakbakan rang- kampuang takuik mangubuakan takuik dek Radjo Ha- ngek Garang dek untuang takdir Allah tudjuah hari mait dirumah alah tibo dihari Djuma'at lalulah rang si- jak mamintak sidakah banjaknjo urang sijak tudjuah urang sanan bakato Puti Kasumbo: „Manolah rang sijak nan batudjuah tolonglah ba'a badan hambo bapak hambo ijolah mati alah tudjuah hari djo hari nangko mait ta- latak ditangah rumah tidak buliah dikubuakan dek Ra- djo Hangek Garang".
Mandanga kato nan bak kian mandjawab rang sijak nan batudjuah: „Atjiak den Puti Kasumbo djiko itu adjiak katokan dimanokoh baliau ka kami kubuakan buliah nak tantu kami manggalinjo nak tantu kami ba- karadjo". Bakato Puti Kasumbo: „O tuan rang sijak nan batudjuah kok itu tuan tanjokan kubuakan ajah kan- duang digunuang Ledang batampek digunuang Linggo bati ba alam2 merah bari bapajuang sapu tangan nak tampak diurang banjak baitu pitaruah nan hambo djawek".
Mandanga kato nan bak kian kununlah rang sijak nan batudjuah diambiak malah tambilang lalu badjalan injo barampek lah didaki malah bukit gunuang Ledang
5
