lapeh dipadang ribo2 manampuah rimbo kalamuntiang djauah basarang dakek djuo alah tibo dibukit Gunuang Linggo lalu digali malah pusaro dek lamo lambek manggali alah sudah pulo tabuwek lijang lahat sanan babaliak pulang hanjo lai alah tibo tjando dirumah Puti Kasumbo lalu dimandikan malah mait angku Radjo Tuo Sarato disambahjangkan sakali. Diambiak tampek parasapan dibaka kumajan putiah lalu dibatjokan doa dek rang siak nan batudjuah djenazah dihosong hanjo lai dibawo dek rang siak nan batudjuah alah tibo dang di sanan ijo ditampek pamakaman nantun lalu dimakamkan, malah mait angku Radjo Tuo. Alah sudah pusaro tatimbun lalu dibari ba 'alam2 merah dibari bapajuang sapu tangan sanan babaliak pulang rang siak nan batudjuah ijo karumah Puti Kasumbo: „O tuan rang siak nan batudjuah tuan makan malah dahulu".
Alah sudah makan dengan minum sudah marokok makan siriah lalu badjalan Puti Kasumbo ijo karuwang biliak tangah dilantak peti bagewang tabukaklah peti katudjuahnjo diambiak ameh tudjuah katjo lalu disidakahkan kapado rang siak nan batudjuah sanan bakato Puti Kasumbo: „Manolah tuan rang siak nan batudjuah tuan pulang malah lai kalau sampai tuan kasurau buliah pintak djo pinto tolonglah Tahlilkan bapak hambo". Mandjawab rang Siak nan batudjuah: Kok itu atjiak katokan kami tarimo djo suko hati kami badjalan malah lai".
Alah badjalan rang siak nan batudjuah ditarimo sidakah ameh djo bareh dek rang siak nan batudjuah mangutjapkan sjukur pada Allah sanan badjandji injo ka mantahlilkan angku Radjo Tuo alah sarantang padja
SI UNTUANG SUDAH
6
