ruak: „Salorong tantangan Puti Kasumbo duo djo Puti Ameh Manah di Taluak Kualo Dalam injo nan bagadang diri sadjo injo nan bapaknjo tak buliah dikubuakan injo nan bagadang hati sadjo pai malah den suruah den sarajo djapuik tabao injo kini2 bapaknjo tak buliah dikubuakan mak kito azab kaduonjo bulia nak dirasoinjo hiduik2. Dek urang Pandeka Sutan mandanga kato nan bak kian lalu badjalan hanjo lai dihiliakan labuah nan pandjang labuah pandjang ba liku2 paliang ameh batimba djalan dek lamo lambek didjalan dek kampuang ba djorok2 dek labuah ba liku2 djauah basarang dakek djuo hampia katibo hanjo lai ijo di Taluak Kualo Dalam tibo dihalaman rumah Puti Kasumbo sanan mahimbau Pandeka Sutan: „Atjiak den Puti Ameh Manah sarato adiak kanduang Puti Kasumbo hambo disuruah disarajo dek angku Radko Hangek Garang ijo mandjapuik atjiak djo adiak kini djuo tidak buliah ba tangguah2".
Mandjawab Puti Kasumbo: „O tuan Pandeka Sutand gjiko salorong tantang itu sasak nan tidak dapek hangok lapang nan tidak buliah mintak djandji kini baitu malah dek tuan mananti djubolah tuan agak sabanta nak hambo lakekkan malah badju dahulu. Ja Allah ja Tuhanku Allah djo Rasul nan katahu".
Kununlah Puti Ameh Manah duo djo Puti Kasumbo dilakekkan pakaian maso itu sadang dek Puti Ameh Manah diambiak anak dari buaian dipaluak si Untuang Sudah ajia mato ba darai2. bak maniak putuih talinjo bak intan putuih pangarang lalu bakato maso itu: „Anak kanduang si Untuang Sudah anak tingga malah di rumah mandeh badjalan kini djuo antah babaliak antah tidak diapuik tabawo dek Radjo Hangek Garang antah
9
