do dihalaman ijo dihalaman rumah Radjo Hangek Garang sanan bakato Puti Kasumbo: „Ampunlah hambo dek tuangku apo sababnjo kami tapanggia".
Mandjawab Radjo Hangek Garang: ,,Manolah kanduang hambo sababnjo adiak hamba suruah panggia dahulu sudah hambo katokan bahaso nan angku Radjo Tuo tidak buliah dikubuakan ba apo mangko dikubuakan djuo tidak manuruik parentah hambo kini. baitu malah dek kalian tangguangkan azab hiduik2 kalian di kubuakan kini2".
Sanan tamanuang Puti Ameh Manah duo djuo Kasumbo tidak ado injo mandjawab sabab dek takuiknjo kapado Radjo Hangek Garang manggigia badan sadonjo lamah sagalo pasandian.
Kununlah Radjo Hangek Garang bakato injo sakali lai: ,,Adiak kanduang Puti Kasumbo tapi sungguah pun baitu bana dangakan malah dek adiak djaleḥ2 adiak kanduang si djantuang hati ubek djariah palarai damam sidingin tambak dikapalo kok ini namuah adiak kawin djo hambo diam diateh andjuang ameh gilo basanang2 diri kipeh basabuang kiri kanan lapehlah hutang bapak adiak".
Mandjawab Puti Kasumbo: „Manolah angku Radjo Hangek Garang salorong tantangan bitjaro tu djangan disabuik duo kali marangeh bulu den mandangakan pado den kawin djo angku eloklah den marando saumua hiduik kalau dipantjuang den namuah mati daripado hiduik baputiah mato eloklah den mati bakalang tanah tidak den suko kawin djo angku".
Mandanga kato nan kian bangih berangnjo máso itu injo tidak tabado sakit hatinjo injo mahariak mahan
SI UNTUANG SUDAH
11
