tam tanah mang garik2 sisunguiknjo ba darak2 garamannjo alah tabudua mato nan gadang lalu bakato maso itu „Manolah adiak kanduang hambo adiak kanduang Pandeka Sutan tidak guno pandjang bitjaro kalilah kubua kini djuo kito kubuakan injo kini nangko mak ditangguangnjo 'azab hiduik2 kito pabuwek sparo mati"
Kununlah dek Pandeka Sutan lalu dikali malah lubang sabuah ditangah halaman nan sabuah lai dibalakang rumah dihalaman bakubua Puti Ameh Manah di balakang rumah bakubua Puti Kasumbo dikubuakan sahinggo lihia kununlah Puti Ameh Manah hinggo pinggang lalu bakato Radjo Hangek Garang : ,,Rasaikan banalah kini2 nak samo2 manangguangkan sakit kaduonjo".
Lorong kapado Puti Ameh Manah awak bakubua sahinggo pinggang manangih injo maso itu anak kanduang sadang didalam buaian ditinggakan kok hawuih kamano injo mintak susu siapolah urang nan ka manjusukan sanan maratok bahibo hati buni ratok ba buah2 buni tangih ma hibo2 nak hiduik tak buliah hiduik nak mati tak kundjuang mati kok sang basalinduang paneh kok malam basalimuik ambun makan nasi karak babijak Allah djo Rasul nan ka tahu. Sidang dek Puti Kasumbo rintang mananġih djo maratok djuo
injo bakubua hinggo lihia tibo paneh kapanehan datang hudjan kahudjanan nak hiduik tak buliah hiduik nak mati tak kundjuang mati lah hilang rono man rantjak.
12
