UNTUANG SUDAH" MA HUNJI LURAH
DALAM SADANG BAUMUA AMPEK TAHUN
Tidaklah kaba dipandjangkan kaba baraliah hanjo lai aliahajo kapado adiak kanduang si Untuang Sudah manangih ma hisak2 manangih mamintak disusukan dimano susu ka dapek mandeh nan tidak ado dirumah alah patang tjandonjo hari patang badjawek dengan sandjo sampai malam samalam harinjo injo manangih djuo alah siang tjandonjo hari si Untuang Sudah nan tidak kundjuang hantok djuo kununlah si Kambang Manih lalu diambiak kain pandukuang didukuangnjo si Untuang Sudah dibawo ba djalan2 kahalaman pa rintang2
Dek lamo bakalamoan lorong kapado si Untuang Sudah alah batambah gadang djuo kiro2 baumua ampek tahun alah pandai ba tutua2 sananglah hati si Kambang Manih adolah pado suatu malam sadangnjo laruik tangah malam manangih si Untang Sudah ajia mato ba darai2 sadang manangih injo bakato: „Atjiak kanduang si Kambang Manih kok lai sabananjo atjiak sajang kok lai sampai hati atjiak tolong djuolah badan hambo ambiaklah kain pandukuang hantalah malah hambo kalurah Situka Banang kok bambo tahan bana di rumah nangko tidak ka tatahan doh mato padang tidak tatjaliak mato rentjong alah ribo garak mangatokan nan bahaso Radjo Hangek Garang ka datang kamari ijo ka mambunuh badan hambo raso ka hilang njawo badan.
13
