Halaman:Kaba Untuang Sudah.pdf/27

mato rentjong dihari nan barisuak kito2 pukua sambilan nan Radjo Hangek Garang injo ka datang mambunuah hambo itu sababnjo denai badjalan".

Mandanga kato adiak kanduang bakato Puti Kasumbo: „Anto badjalan ang katokan badan ang kan ketek baru kok tumbuah bawuih djo lapa kamano adiak mamintak nasi rantau mano ka didjalangnagari mano nan ka dihunji bukit dimano nan ka didaki Lurah di mano nan ka dituruni. Tidak suko den malapeh kok lai buliah pintak denai eloklah ang tingga dirumah pado ang pai badjalan djauah hiduik mati tahankan malah dirumah".

Sanan mandjawab si Untuang Sudah : ,,Kalau baitu kato atjiak indak hibo malah atjiak diden kok pai bana den marantau sanjampang sampai badan denai gadang Allah Ta'ala kajo sungguah mambuwek sakahandak Njo kok lai untuang Takdir Allah tabapuih djuo malu dikaniang kok lai tatuntuik malu kito kok lai hilang ka batjari denai djapuik atjiak kamari sarato djo mandeh kanduang diri".

Mandjawab Puti Kasumbo: „Denai tagah tidak tatagah denai lapeh malah adiak kok sanjampang sampai badan ang gadang usah ang lupo pado kami:

18

SI UNTUANG SUDAH