untuang Takdir Allah sampailah djuo injo kabiwah tibo diateh batu gadang sanan bakato si Uneng Sudah „Manolah atjiak kanduang denai kini baitu malah dek atjiak ambiakkan malah rotan dirimbo pabwekkan denai buaian". Alah badjalan si Kambang Manihijo mantjari rotan karimbo lalu dipabuwek malah buaian dikabek djo kain salendang alah sudah buaian dipabuwek dimasukkan si Untuang Sudah kadalam lalu dibuai dihajunkan ijo didalam lurah nantun sanan bakato si Untuang Sudah: „Babaliaklah atjiak pulang ijo karumah mandeh kanduang bijakanlah hambo tinggi disiko kok sampai atjiak dirumah dabiahlah ajam sikua palikkan darahnjo sadjak dari biliak sampai kadjandjang kain pandukuang den tjabiakkan pulo bukakkan pintu kasadonjo koknjo datang Radjo Hangek Garang kok batanjo injo kapado atjiak katokan hambo alah mati antah harimau nan manangkok antah tjindaku nan mamakan. Sarupo tatjameh malah atjiak buliah nak sanang hatinjo malihek kok untuang usah hambo ditjarinjo djuo babaliak malah atjiak kini2".
Mandjawab si Kambang Manih: „Atjiak denai si Untuang Sudah tidak den kapulang dulu bia den disiko mahunjikan adiak djo siapo adiak denai tinggakan tidak sampai hati denai maninggakan hiduik mati denai alah rilah asal djan pai babalisk pulang kok pulang bana hambo tidua nan tidak talalokkan makan nan tidak namuah kanjang ajia den minum raso duri nasi den makan raso sakam eloklah denai disiko sadjo untuak mandjagoi adiak kanduang".
Mandanga kato nan bak kian bakato si Untuang Sudah : „Kalau baitu kato atjiak itulah karo sabananjo
21
