tapi kok tidak atjiek ado dirumah koknjo tibo Radjo Hangek Garang tantulah kito ditjarinjo kok dapek kito dek injo tantu dibunuahnjo kito kaduonjo tidak ado malah nan ka dapek dibarokkan lai dek mandeh kanduang sarato dek kakak kanduang Puti Kasumbo".
Alah panek tangka batangka manangih djuo si Kambang Manih awak lah hibo maninggakan tapi dipikia pulo sabaliak lai ijo pulo moh kironjo lalu babaliak pulang malah lai alah didaki manau nantua ajia mato ba darai2 alah tibo dipatangahan malihek injo kabawah alah kalam sadjo pamandangan sabab tidak ado nan tampak lai sanan manangih si Kambang Manih takana di adiak kanduang antah pabilo ka batamu lai didaki djuo malah manau mantun hampia badarok siang nampuah padang ribo2 ditaluak Kualo Dalam kak pintu kasadonjo hari lah ijo alah tibo tjando diateh lalu manurun injo ba gageh2 ma- alah tibo injo dikampuang taruih naiak injo karumah dibu- diambiak ajam nan kuriak didabiah ajam nantun darahnjo dipaliliakan kasadonjo diambiak kain pambaduang di kujak2 maso itu lalu laloklah injo sampai pukua sambilan pagi injo nan kadalam biliak lalok djuo baru.
Kaba baraliah hanjo lai aliahinjo kapado Radjo Hangek Garang duo djo Pandeka Sutan bakato Radjo Ha- ngek Garang: „Adiak kanduang Pandeka Sutan kito badjalan malah lai ijo kataluak Kualo Dilam karumah Puti Kasumbo pai mambunuah anak Puti Ameh Manah kok lai djuo biduik injo kini mungkin manjeso djuo kamudian tantu didja puik njo baleh kamudiannjo pai malah kito kini nangko. Alah badjalan injo kaduonjo dek lamo lambek nan didjalan djauah basarang dakek djuo
SI UNUANG SUDAH
