Siang hari buliah bapaneh
malam hari djo apo ka basaok.
Bukit Apit djalan bakelok
labuah pidati ka Bulakan,
Ijolah dingin tidak basaok
kapado siapo ka dikadukan.
Lapeh nan dari Pasa Gaduang
bandak mandjalang pasa Pulai,
Lapeh ditangan mandeh kanduang
banjaklah sangsaro nan den rasai.
Mak den saruangkan malah badju
dek karano badju den,
Mak den tangguangkan malah dahulu
sabab dek buruak untuang den.
Kununlah si Untuang Sudah alah panek injo manangih dihapuih malah ajia mato sanan manjaru injo ma- so itu : Ja Allah ja Tuhanku Rabbi hudjankan ba'a lah hari kini nangko hanjuikkan alu dengan lasuang hanjuikkan kaju Binuang Sati nan tumbuah digunuang Ledang tumbuahnjo dikuburan bapak denai kok ijo bapak hambo asanjo Radjo kok lai batuwah bapak kini to- longlah bana sakali nangko". Injo manjaru sambia ma- nangih :
Gadanglah ajia di Siboga
tarandam pulau Nago Sati
kapa nak mintak dilabuahkan,
Mandeh kanduang tolong djo do'a
sadang marasai badan kini
sadang manangguang parasaian.
Alah sudah injo manjaru Allah Ta'ala kajo sungguah alah turun hudjan labek sanan badantuang patuih
SI UNTUANG SUDAH
