tungga labeknjo hudjan tidak tabado hanjuiklah alu dengan lasuang hanjaiklah pulo kaju Binuang Sati lah panuahlah lurah Situka Banang sanan bakato si Untuang baolah tompang Sudah: „O kaju Binuang Sati ijo ka ateh kaju badan sanan ma bakato si hambo kamano kareh dibao untuang".
Mandanguang kaju Binuang Sati lalu baranti kaju nantun lompek si Untuang Sudah Jatuang Sudah: „O kaju Binuang Sati basihanjuik malah dihulu kamano kareh dibao untuang".
Mandanguang kaju Binuang Sati lalu dibao dek ajia gadang dek lamo bakalamoan dek lamo injo basihanjuik habih hari babilang pakan habih pakan babilang bulan habih bulan babilang tahun alah duo tahun pulo kala. monjo tidak tantu nagari ka dituruik hanjo manuruikkan aliran ajia sadjo kakijun pulo kaju nantan basihanjuik.
Dek untuang Takdir Allah salamo lambek nan bak kian tapasah tjando kanagari ijo kugari Djambak Djambu Lilin parentah Tuanku Radjo Mudo radjo 'adil bukan kapalang nagari aman rakjat santoso. Sadang dek Tuanku Radjo Mudo lai baranak surang sadjo nan ba- namo Puti Raniak Djintan anak dek Puti Ameh Urai lorong kapado Puti Raniak Djintan rantjak nan bukan alang kapalang nan bak ameh djolong disipuah sariklah Puti ka tandiangnjo sukarlah Radjo ka djudunjo da- lam lingkungan nagari nantun.
Bitauwari si Untuang Sudah mantjaliak injo kasu- wok djo kakida mamandang injo kahilia djo kamudiak tatopaklah sumua sabuwah sumua nantun rantjak nan bu- kan kapalang ajia djaniah ikannjo djinak taniat injo handak baranti alah mandanguang kan Binuang Sati lalu baranti dimuaro malompeklah si Untuang Sudah ka
27
