tapi ditudju malah sumua nantun siapolah garan nan
punjo sumua mangkonjo sumua sarantjak nangko lalu
dibasuah malah muko disanan sadjuak rasonjo paman-
dangan kununlah si Untuang Sudah manjaru injo maso
itu dibatjokan do'a pitunduak djo pakasiah diminumnjo
ajia nantua lalu dimutahkannjo baliak alah tingga ba.
jang2 mukonjo" sanan badjalan si Untuang Sudah
sampai injo dimuaro malompek injo ka ateh kaju Binu-
wang Sati sanan bakato maso itu: „O kaju Binuwang Sa.
ti kito badjalan malah lai kamano kareh dibao untuang
kabarang tampek maknjo pai".
alah
Mandanguanglah kaju Binuwang Sati lalu basihanjuik lah injo dibao ajia dek lamo bakalamoan alah sahari palajaran sampailah injo katangah lauik lapeh alah di lamun2 ombak alah di balun2 badai gadang alah tigo hari pulo kalamonjo Allahu Rabbi pasakitan.
Kaba baraliah banjo lai aliahnjo kapado Puti Raniak Djintan anak Tuanku Radjo Mudo sadangnjo la- lok diates andjuang takadjuik injo maso itu lalu baka- to injo sakali: ,,Adiak kanduang si Kambang Manih danga dek adiak denai katokan palak2 mijang badan nangko kaluah kasah tidak manantu ijo bana bak pan- tun urang :
Pitalah disungkujk rangik
rangik disungkuik gato2,
Alah lamo denai hiduik
balun manangguang nan bak nangko.
Takadjuik si Kambang Manih baru mandanga kato nantun lalu bakato maso itu: „Ampunlah kami atjiak kanduang apo nan salah pado kami katokan malah pado kami mak tantu kami mahiraukan". Mandjawab Pu-Templat:Left
