taropong intan lalu turun kahalaman ba lari2 injo ka sumua dibarikannjo taropong nantun kapado Puti Raniak Djintan. Lorong kapado Puti Raniak Djintan ditaropongnjo kadalam kampuang tidaklah tampak padja nantun mantjaliak djuo kadalam sumua hati batambah gaduah djuo diambiak pulo malah taropong lalu ditaropongnjo katangah lauik alah tampak malah anak urang sadang di tapuang2 ombak sadang di lamun2 badai sanan manangih Puti Raniak Djintan maningadah injo maso itu mamintak injo kapado Allah: „Kok lai buliah pintak djo pinto sampaikan djuolah hambo kalauik ijo batamu djo anak nantun", manjatu injo sambia manangih bapantun ba hibo2:
- Bangkinang balainjo data
- tampak nan dari Tandjuang Gadang,
- Niniak kanduang tolong djo do‘a
- mintak salamaik umua pandjang.
- Bungo tjampago kambang biru
- kambang dibawah karang lokan
- dibao Sutan ka Malako
- hiliakan pasa Padang Pandjang,
- Sakit badan manangguang rindu
- bagaikan lauik manganduang topan
- bagaikan bumi dikuntjang gampo
- antah kok dibadan hambo surang.
Adiak kanduang si Kambang Manih adiak tingga malah disiko hambo nak pai badjalan ijo mantjari anak urang nantun nak den dja puik katangah lauik buliah den bao injo kamari. Dangakan malah dek adiak kanduang sabalun den babaliak usahlah adiak ba djalan2 usah pulo adiak babaliak pulang nantikan hambo disiko”.
32
