Mandjawab si Kambang Manih: „Atjiak den Puti Raniak Djintan salorong kato atjiak nantun dak diubahi salangkah tidak denai lalui satapak tidak denai barandjak kami nantikan malah atjiak disiko usah lah tjameh atjiak tantang itu alah ka sanang hati atjiak".
Mandanga kato damikian sananglah hati Puti Raniak Djintan badjalan injo hanjo lai ijo manurun arah ka muaro batamu sampan tudjuah buah naiaklah injo ka ateh sampan ketek sanan manjaru injo maso itu mamintak salamaik palajaran lalu balajia Puti Raniak Djintan adang2 dibalun ombak adang2 ditapuang badai harilah badarok patang djuo alah sampai injo katangah lauik dikadja djuo kaju nantun alah batamu sanan si Untuang Sudah sanan bakato Puti Raniak Djintan: „Tuan katjiak dangakan malah kamano tuan kabalajia dimano bana kampuang tuan dimano dusun djo nagari ba apo hati dipaturuikkan kito singgah malah dahulu ijo ka kampuang halaman hambo kok sampai kito dikampuang Insja Allah pambarian Tuhan ameh djo perak banjak di kito hambo nan surang tungga babeleng padi baru ba timbun2 padi usang ba himpik2 kok lai tuan namuah singgah barapo sukonjo hati hambo".
Mandanga kato damikian mandjawab si Untuang Sudah: „Manloah atjiak Puti nan datang kini baitu malah dek atjiak babaliaklah atjiak pulang buliah bambo tidak singgah2an sabagai pulo kato hambo iko djinihnjo rupo atjiak ikolah pulo rupo hambo kok sampai bana hambo kanagari atjiak ridakkoh ka galak urang nan banjak mambari malu kamudian rupo tambo sarupo djo hantu paburu".
Mandanga kato nan bak kian mandjawab Puti Ra-
33
