Alah panek tangka batangka bakato Puti Raniak Djintan : „Kini baitu malah dek adiak tidaklah guno kito disiko toh melah babaliak pulang kok tidak namuah pulang samo mati malah kito baduo".
Mandanga kato nan bak kian mandjawab si Untuang Sudah Kalau baitu. kato atjiak sukoli hambo babaliak kadarek. O kaju Binuwang Sati kito akan dibawo singgah babaliak malah kito dahulu". Mandanguang ka. jo Binuwang Sati lalu bapesong tjando kapalonjo balajialah injo baduo alah sarantang palajara hampia katibo hanjo lai ijo kasumua tampek mandi alah tibo injo disanan malompeklah Puti Raniak Djintan alah turun pulo si Untuang Sudah sanan bakato si Untuang Sudah: "O kaju Binuwang Sati nantikanlah hambo disiko haambo dibawo urang singgah".
Sadang dek Puti Raniak Djintan baduo dengan si Untuang Sudah badjalan injo baduo ba iriang2an tidak limo antaronjo tibolah dakek si Kambang Manih didapati si Kambang Manih sadang lalok sanan bakato Puti raniak Djintan: ,,Adiak kanduang si Kambang Manih adiak djago malah lai kito kan balun djadi mandi bawolah limau dengan kasai kasumua". - Mandanga kato damikian tasintaklah si Kambang kasadonjo sanan bakato si Kambang Manih „Atjiak den Puti Raniak Djintan ba apo atjiak talambek bana manokoh urang nan atjiak djapuik ba'a ruponjo urang nantun. Mandjawab Puti Raniak Dintan: „Kok itu adiak tanjokan itulah urang nantun nan denai djapuik katangah lauik".
Sadang dek si Kambang Masih lalu dihampiri si Untuang Sudah dilihek bana hampia2 roman sarupo djo Hantu Tirai nan mahunji rimbo gadang dilihek injo
་
SI UNTUANG SUDAH
35
