Halaman:Kaba Untuang Sudah.pdf/48

Alah dimandikan si Untuang Sudah dikusuak balamo2 mandilah pulo Puti, Raniak Djintan sudah mandi injo balimau langkok djo kasai dengan padakojo lalu kaluwa si Untuang Sudah alah babaliak rupo nan dahulu alah timbua roman nan rantjak djiko di patuik2 bana ijo bak pantun urang djuo:

Kununlah si Kambang Manih baru malihek rupo si Untuang Sudah tabiklah raso kamiluan orang lah sudak awak tjatjek ka suruik badan lah malu kununlah si Untuang Sudah muluik manih kutjindan murah awak rantjak baso katudju salah saketek tidak bapakaian sabab lah lamo didalam rimbo sarato lah lamo dilamun ombak lorong kapado si Raniak Djintan malihek si Untuang Sudah tidak ado bakain lalu dibarikannjo kain Pandjang sahalai ajia mato ba darai2 sanan bakato Puti Haniak Djintan: „Adiak kanduang dangakan malah bari luruih kakak batanjo sia pokoh garan namo adiak di mano dusun djo nagari kok pulang kito kakampuang" Sanjampang batanjo bapak djo mandeh manarangkan". Koknjo itu atjiak tanjokan namo hambo ijolah si Untuang nagari adiak tanjokan tidak tantu lai dihambo badan lah gadang didalam rimbo ijo bana bak pantun urang :

37