Kata Pengantar.
Didalam buku tjerita „UNTUNG SUDAH” sengadja PENERBIT menjesuaikan susunan kata2 dengan tjara Edjaan lidah membatjanja, jaita menudju kearah sempurnanja (logat) MINANG, misalnja seperti perumpamaan dibawah ini :
Templat:Col-3Bahasa Indonesia
beriang hati
berbaring
beduk
terbawa
Bahasa Minang
bariang hati
babariang
tabuah
tabao
Logat (batjaannja)
ba ri jang ha ti
ba ba riang
ta bu ah
ta ba wo
Huruf k pada achir kata tidak berbunji seperti k.
bilik
sahut menjahut
duduk
laut
Templat:Col-3
biliak
sahuik-manjahuik
duduak
lawuik
Templat:Col-3
bi lia’
sa hui k ma nja huik
du du a’
la wu i’
Maka sedemikianlah PENERBIT beranggapan agar PARA PEMBATJANJA bisa mengikuti Edjaan berbahasa MINANG dengan tepat dan sempurna.
Wassalam dari Penerbit :
»TSAMARATULICHWAN”
Bukittinggi
,,Manolah rang Siak nan banjak iko hambo badjalan agak sabanta."Alah badjalan Sjech Pandjang Djangguik ijo ka Djambak Djambu Lilin karumah Puti Raniak Djintan dek lamo lambek nan didjalan alah tibo tjando dibalaman sanan takadjauik Puti Raniak Djintan lalu bakato
maso itu: „Mañolah angku Pandjang Djangguik tatjameh bana hambo mamandangi dek angku kamari bana ba apo si Untuang Sudah injo kini lai baa injo kini".Mandjawab angku Sjech Pandjang Djangguik:„Anak kanduang Puti Raniak Djintan ijolah nan ka hambo katokan kini nangko sababnjo hambo datang kamari bana ijo salorong anak si Untuang Sudah padja marawa padja tjilako patah sisiaknjo dibalakang disuruah mangadji tidaknjo namuah kok siang gilo bapenda sadjo kok malam hari ma mitjiak2 kaki urang".
Mandanga kato nan bak kian manangih Puti Raniak Djintan: "Kalau baitu kato angku surushlah pulang malah injo katokan hambo sakit bana".
Lalu badjalan angku Sjech Pandjang Djangguik babaliak kasurau malah lai alah tibo injo disurau bakato injo maso itu : „Mano ang bujuang si Untuang Sudah atjiak ang manjuruah pulang bapak didalam damam mandeh ang alah sakit pulo badjalan malah kini2".
Sadang dek si Untuang Sudah hati rusuah bukan kapalang dihiliakan labuah nan pandjang badjalan bagageh2 dek lamo lambek nan didjalan tibolah injo dihalaman taruih sakali naiak ka ateh rumah salang dek Puti Raniak Djintan dilihek adiak alah pula tasirok darah didado turunlah injo dari ateh andjuang bapak
