SI UNTUANG SUDAH DIANIAJO GURUNJO
Pado maso dewaso itu badjalanlah Puti Raniak Djintan baduo dengan si Untuang Sudah dihiriangkan dek si Kambang banjak kipeh basabuang kiri kanan lamo lambek nan didjalan djauah basarang dakek djuo hampia katibo injo lai ijo dihalaman rumah nan gadang sanan babunji bunji2an mandariang salindik djantan mantjaretjeh situpai djandjang malanguah bantiang bapawuik sanan bakato Puti Ameb Urai takadjuik pulo Tuanku Radjo Mudo lalu naiak injo ka ateh rumah taruih sakali ka ateh andjuang pandang djauah dilajangkan pandang hampia ditukiakkan dilihek kiri djo kanan kironjo anak alah pulang dihiriangkan dek si Kambang Manih ado anak ketek surang dibawonjo Puti Raniak Djintan duo djo si Untuang Sudah duduaknjo di bawah2 sanan bakato Puti Raniak Djintan: „Ampun baribu kali ampun ampunlah hambo dek bapak kanduang sarato djo mandeh kanduang hambo kan hambo ijo pai mandi ijo kasumua kito satibo hambo nan disanan tampaklah anak ketek iko didalam sumua dek hibo hambo malihek hambo bawo injo kama hambo tanjokan dusun djo nagarinjo tidak takana lai dek injo namonjo si Untuang Sudah injo lah gadang didalam rimbo sadjo".
Sanan bakato angku Radjo Mudo: Manolah anak kanduang Puti Raniak Djintan kalau baitu kato anak sukolah hambo manarimo anak surang kini lah baduo
SI UNTUANG SUDAH
39
