Alah datang si Untuang Sudah lalu didjawek malah salam guru sanan duduaklah injo maso itu Serato mangambangkan surek lalu dimuloinjo malah mangadji Habih hari babilang pakan habih pakan babilang bulan alah kiro2 anam bulan pulo kalamonjo Allah Ta'ala manggarakkan tarangnjo hati tidak tabado tabukak makbanjo kasadonjo alah satahun injo mangadji badan batambah gadang djuo badan alah batambah malin djuo urang surau sajang kasadonjo urang kampuang baitu pulo.
Alah tibo dibulan Maulud banjaklah urang nan mando'a untuak mando'a karumahnjo dibantainjo malah kambiang tigo ikua bakato Bagindo Malin: „Manolah angku Pandjang Djangguik sababnjo hambo djalang ba na angku kamari hambo baniat handak mando'a mandjapuik angku kini2 bawolah rang Siak kasadonjo surangpun usah ditinggakan".
Hari alah badarok patang djuo lalu bapikia angku Sjech Pandjang Djangguik hatinjo bangih kapado si Untuang Sudah dangkinjo tibo bantjipun datang sabab injo lah malin dari awak sanan bakato angku Sjech Pandjang Djangguik kapado rang Siak nan banjak: „Kok pai kito 'Maulud si Uatuang Sudah tidak kito bawo bialah injo mahunjikan surau”.
Hari lah malam hanjo lai alah sudah sambahjang Isja badjalan angku Sjech Pandjang Djangguik pailah rang Siak kasadonjo. Alah tingga malah si Untuang Sudah mahunjikan surau laloklah injo samaso itu tidua bagaluang bagai kutjiang. Allahu Rabbi hibo hatinjo ajia mato ba darai2 badan disisiah samo gadang. Hati lah laruik tangah malam duduaklah injo maso itu
44
