Anak balam diateh padi
tabang maraok kaudjuang pandan
Hari apokoh mulo iko djadi
sangaik manangguang parasaian.
Masaklah padi ladang rimbo
tatagak pondok gulang2,
Sangaik buruaknjo untuang hambo
badan disisiab samo gadang.
Sadang ba minuang2 djuo lalu dibukaknjo malah pintu ketek sabuwah sanan malagu injo si Untuang Sudah hari nan laruik tangah malam takadjuik Subang Bagelang djo kakak kanduang Bagindo Malin injo nan sadang lalok diateh andjuang sanan bakato injo maso itu: „Adiak kanduang Bagindo Malin katokan kapado angku Sjech Pandjang Djangguik lai djuo malah rang Siak nan tingga sadang malagu injo disurau kadang2 bak buni diudaro kadang2 marusuah bana".
Mandjawab angku Sjech Pandjang Djangguik: „Tidaklah ado urang disurau hanjo surang anak ketek nan banamo si Uatuang Sudah tidaklah pandai injo malagu padha saroman padja tjilako patah sisiak dibalakang ba-risuak denai hantakan den katokan ka atjiaknjo".
Lorong kapado Subang Bagelang dek mandanga lagu si Untuang Sudah tidak tatahan dibatinjo lai lalu dituruiknjo malah kasurau badjalan injo dipamatang sawah dek lamo lambek nan didjalan alah tibo injo di surau lalu dibukak pintu surau dihimbau urang maso itu himbau nan tidak basahuri alah naiak Subang Bagelang sanan bakato injo maso itu: „Tuan katjiak djagolah ba'a toh melah kito pai Maulud". Apo sababnjo
45
