Mandjawab si Untuang Sudah: „Dangakan dek atjiak elok2 bialah hambo tingga mandjagoi surau". Alah panek tangka batangka pai djuo si Untuang Sudah badjalan injo dipamatang sawah alab tibo injo dirumah lalu duduak malah sakali lamo sabanta antaronjo urang lah makan banjo lai sasudah makan dengan minum tibo kahandak dari nan pangka urang malagu hanjo lai.
Urang nan banjak alah malagu tibo kahandak bakeh si Untuang Sudah injo malagu banjo lai lagunjo lagu tjaro Masir raso ka tinggi dirandahkannjo raso ka randah ditinggikanojo manangih urang nan banjak dek rantjak lagu si Untuang Sudah hiru biru ditangah rumah sadang dek angku Sjech Pandjang Djangguik hati batambah sakit djuo alah salasai malah balek urang pulang hanjo lai ijo karumah masiang2 rang Siak pulang kasurau hanjo lai sadang dek si Untuang Sudah injo tingga dirumah Subang Bagelang sabab dek ditahani injo sabanta ijo ka malagu sakali lai banjaklah sidakah dibarikan urang kapado si Untuang Sudah lalu dimintak malah izin: ,,Manolah Niniak dengan Mamak hambo sarato kakak dengan adiak hambo babaliak pulang malah lai ijo kasurau tampek diam lapehlah hambo dek mandeh sarato bapak".
Alah suko urang malapeh lah badjalan si Untuang Sudah injo lalu kapamatang sawah alah tibo tjando di surangpun tidak ado urang nan manjahuik urang lah bantji kasadonjo laloklah injo dihalaman ijo dimalam nan samalam nantun dinginnjo hari tidak tabado hari lah badarok siang hanjo lai. Alah sudah sambahjang Subuah naiaklah si 'Untuang Sudah ka ateh surau hati-
46
SI UNTUANG SUDAH
