Sjech Pandjang Djangġuik supajo nak sanang hati ham- bo baduto malah baliau hasuang pitanah nan, baliau lakukan silangkaneh malah garan baliau”.
Kununlah angku Radjo Mudo lalu dipabuwek mamalah mufakat ijo ka mantjari angku Sjech Pandjang Djangguik sampailah kaba kabakeh balian dek urang angku Sjech Pandjang Djangguik larilah injo masuak hutan masuak rimbo kaluwa rimbo barubah badan baliau ijo mandjadi Siamang Putih.
Baraliah kaba tantang itu aliahnjo kapado Puti Raniak Djintan bakato injo pado bapaknjo: „Manolah bapak kanduang hambo pabuwek malah surau sabuah ka untuak adiak kanduang hambo nan banamo Untuang Sudah alah patuik injo ma adja". Sadang dek angku Radjo Mudo diparentahkan kapado anak buah mambuwek surau tigo ruwang baukia ba mego2 alah duo bulan pulo kalamonjo alah sudah malah surau mantun nan bamulai injo ma adjakan kadji banjaklah urang datang mangadji gadangnjo ba ansua2 djuo habih bulan baganti tahun lah duo tahun pulo kalamonjo, dek untuang Takdir Allah djatuah sakit si Untuang Sudah alah sahari duo hari habih hari babilang pakan babih pakan babilang bulan alah tigo bulan lamonjo sakit kato Puti Raniak Djintan: „Adiak kanduang si Untuang Sudah sakit adiak batambah ladjaik djuo kok njampang malang tarajiah dek adiak kok sampai Adjalullah adiak kamano surek ka dikirimkan kamano kaba ka disampaikan".
Sanan mandjawab si Untuang Sudah: „Kok itu atjiak tanjokan hiduik mati bak kato atjiak dusun na gati tidak nan tantu hambo lah gadang didalam rimbo".
SI UNTUANG SUDAH
55
