PARKAWINAN SI UNTUANG SUDAH DAN
DINOBATKAN MANDJADI RADJO
Sadang dek si Untuang Sudah. kiro2 sabulan antaronjo alah tatap injo mangadji baliak habih hari babilang pakan habih pakan babilang bulan. babilang tahun alah limo tahun pulo antaronjo gadang lah batambah djuo.
Adolah pado suatu hari bakatolah Puti Raniak Djintan kapado bapaknjo : „Daulat bapak kanduang hambo sarato djo mandeh den Puti Ameh Urai kok buliah pintak djo pinto kinilah baru denai mamintak ijo mamintak dikawinkan dengan si Untuang Sudah".
Mandjawab angku Radjo Mudo: ,,Anak kanduang Puti Raniak Djintan kok itu anak katokan alah suko pulo badan hambo antah kok si Untuang tidaknjo namuah sabab disangkonjo dunsanak kanduang kok litak tampek mintak nasi kok hawuih tampek mamintak ajia dahulu lai urang nan datang banjaklah Radjo nan ma minang anak banjaklah Sutan nan datang tapi tjatjek anak banjak bana kok kuniang nan kuniang kunjik bana kok randah pendek bana kini hanjo baitu malah dek anak koknajo lai suko si Untuang Suhambo batjokan do'a, salamat", lalu dipanggianjo Si Untuang Sudah sanan bakato maso itu: „Mano anak kanduang si Untuang Sudah anak kamari malah duduak ado bitjaro bakeh anak apo katenggang bitjaro anak atjiak ang mamintak kawin nan lain tidak ado nan ka-
60
