Mandjawab si Untuang Sudah: „Kalau itu bapak katokan tidak hibo malah bapak dihambo sambo manjangko bapak kanduang salorong atjiak den Puti Raniak Djintan ijo ka ganti kakak kanduang hambo. Kini baitu malah dek atjiak kok buliah pintak hambo kapado atjiak eloklah nan lain kito tjari”.
Sanan manangih Puti Raniak Djintan: „Adiak kanduang si Untuang Sudah kalau baitu kato adiak pado balaki djo urang lain eloklah hetong pitih ka sidakah tjabiakkanlah kain kapan kini2 alamaik ka sansai badan nangko". Manangih taisak2 bapantun sadang manangih :
Salindik mati diateh paga
djatuah badabuak kadalam padi,
Seketek hambo nan manjasa
kok tidak dimuluik dalam hati.
Hiliakan madang limau puruik .
satantang tumbuahnjo bungo durian,
dahulu gugua dari muluik
kinilah barubab paratian.
Si Amat namonjo kusia
si Ketek namo tukang kudonjo
barumah ditangah pasa,
Adiak kanduang tjubolah pikia
lurah ba apo manimbunnjo
danau kok djadi lauik basa.
Ambiak badju guntiang salendang
usah dikili tapi kain
didjahit tantang kapalonjo,
61
