Adiak ragu hambo lah bimbang
nambek diganti djo nan lain
namun mukasuik sampaikan djuo,
Nan Dubalang mandjadi Manti
Manti dek angku Radjo Mudo
djuadjungan dek Puti Ameh Urai,
hilang adiak tidak kapangganti
taganti tidak ado nan sarupo
sarupo lai tapi tidak saparangai.
Hilalang banjak nan lendo
elok dipotong naknjo randah,
kasiah surang ruponjo hambo
nan bak pisau tadjam sabaiah.
Mandjawab si Untuang Sudah: „Dangakan malah dek acjiak denai katokan:
Silasiah nan di Tandjuang Gadang
tampak nan dari Koto Nopan,
Hambo sapantun alang2
tinggi dek karano kulindan.
Kok nak tahu ditalang rimbo
ditapi djalan ka Malalak
lumbo2 dalam parahu,
Kok nak tahu disajang hambo
liheklah api mamakan dadak
alah hanguih sadjo urang tabu.
Ba tjorak2 badju rang Sunua
didjahik usah disudahkan
bawo ka kintjia malah dahulu
usah disasah ditapian,
Lamak manih pambek dilulua
kok kalek usah dimutahkan
61
SI UNTUANG SUDAH
