bawo bapikia lah dahulu
djangan manjasa kamudian.
Mandjawab Puti Raniak Djintan: „Dangakanlah dek adiak den katokan :
Sutan Ibrahim nak karimbo
singgah basukek lado salah,
Haram balain dihati hambo
namuah basumpah Qalamullah.
Bakato si Untuang Sudah: „Kalau baitu kato atjiak badjandji malah hambo dahulu mupakat malah hambo ijo djo Niniak Mamak dalam nagari sarato djo bapak dengan mandeh atjiak den sangko kakak kanduang kini baitu kato atjiak”, sadang dek si Untuang Sudah manjambah injo kapado angku Radjo Mudo : „Ampunlah hambo bapak kanduang kan atjiak hambo mamintak kawin lai kamungkinan kato kato bapak”.
Sanan mandjawab angku Radjo Mudo : Tipak dibadan diri hambo sarato djo mandeh anak kanduang alah suko bana tantang itu”. „Kalua baitu kato bapak suruah guwa malah tabuah Larangan. bari tahu malah ka urang nagari”, nan kan katonjo si Untuang Sudah, sadang dek angku Radjo Mado disuruahnjo Budjang Salamat mangguwa tabuah Larangan sahuik. manjahuik tabuah nan banjak tabuah Djum'at panjudah bahimpunlah urang gadang ketek nan dilurah datang mandaki nan dibukik datang manurun Allahu Rabi banjaknjo ummat tidak tamuwek dinan lapang dinan laduang lah panuah pulo sanan bakato Manti djolong pandai: „Ampunlah kami Radjo kami kok dibuwang kami djauah kok digantuang kami tinggi kato bana kaini sambahkan djuo dimanokoh Dubalang rabuik rampeh dimanokoh
SI UNTUANG SUDAH
63
