Halaman:Kaba Untuang Sudah.pdf/82

Chatib sarato Pangulu djo Handika sasudah makan dengan minum sudah marokok makan siriah diambiak tampek parasapan alu dibaka kamajan putiah asok mandulang ka udaro alah dibatjokan dek tuan Qadhi idjab djatuah Qabul didjawek alah nikah si Untuang Sudah dengan Puti Raniak Djintan sanan bakato angku Radjo Mado: „Manolah sagalo Niniak dengan Mamak sarato Dubalang nan barampek kini baitu pintak hambo ijo kapado nan hadok hadang ditangah rumah nangko Radjo nan ijo ka hambo kisakan ijo kapado anak kanduang hambo nan banamo si Untuang Sudah laikoh suko ukang nagari sarcato djo Pangulu kasadonjo”.

Mandjawab Pangulu dalam kampuang „Ampanlah kami dak Tuanku djiko itu titah Tuanku kami lah sukobana gadang ketek sabab Tuanku alah duo pulo eloklah kasurau sadjo malah Tuanke lai”. Tujuah hari lamonjo baralek alah dialiah gala si Untuang Sudah alah dinobatkan mandjadi Radjo ijo dinagari Pajuang Sakaki nan di Andua baputjuak merah nan di Taluak Kualo Dalam.

Raminjo halek tidak tabado gambia manjadi tanah lijek siriah mandjadi sarok balai patah tadji bak disukati tulak batundo bulu ajam darahnjo bak dibandakan urang nagari basuko hati ramilah pupuik dengan saluang tjukuik djo rabab dengan talempong langkok sagalo parmainan anak mudo2.

Salasailah halek maso itu alab sabulan pulo kalamonjo habih bulan baganti tahun salamo si Untuang Sudah mandjadi Radjo anak buah banjak nan mamudji nagari batambah rami djuo anak dagang banjak nan datang parentah adil padi mandjadi alah tigo tahun lamonjo

65