Mandjawab si Untuang Sudah : „Kok itu atjiak katokan bawo bapikia malah dahulu”. Bakato Puti Raniak Djintan : „Tuan katjiak si Untuang Sudah tuan den si Radjo Mudo kalau baitu kato tuan eloklah kito pai ka kian kito suruah malah ajam dahulu pai malihek galanggang nantun kok lai rami atau tidaknjo”.
Kununlah Puti Raniak Djintan alah diambiak ajam Birugo disuruah ka Taluak Kualo Dalam ijo kakampuang Puti Ambun Suri lalu bakato Pati Raniak Djintan: „Manolah ajam Birugo djanjo hambo pai malah den suruah den sarajo ijo ka Taluak Kualo Dalam pailah tjaliak galanggang nantun kok sampai kakian apo2 nan tampak digalanggang surekkan dikapak kida apo2 nan tampak dihalaman rumahnjo surekkan dikapak suwok pailah kini2 nangko”.
Alah tabang ajam Birugo tabang ma njisi2 awan puweh malajang injo malajok puweh maninggi injo marandah alah tibo di Taluak Kualo Dalam tibo dihalaman rumah Radjo Hangek Garang Allahu Rabbi banjaknjo urang darah ajam bak dibandakan patah tadji bak disukati gambia mandjadi tanah lijek ramilah sorak dengan sorai lalu disurekkan dikapak sabalah kida malihek pulo injo kahalaman ijo kahalaman rumah angku Radjo Hangek Garang tampaklah urang bakubua hinggo pinggang nan banamo Puti Ameh Manah nak hiduik tak buliah hiduik nak mati tak dapek mati malihek pulo injo kabalakang rumah nantun tampaklah pulo urang bakubua sahinggo lihia nan banamo Puti Kasumbo.
68
