Manangih ajam Birugo malibek urang pakubua nantun alah disurekkannjo dikapak nan suwok lalu tabang hanjo Lai tabangnjo bahati rusuah tigo hari lamonjo tabang alah sampai injo dinagari Djambak Djambu Lilin hinggok injo dibatang limau manih malompek ka ateh andjuang alah tibo diateh andjuang dikambangkan sajok kaduonjo.
Sadang dek Puti Raniak Djintan duo djo si Radjo Mudo lalu dibatjo apo nan tasurek dikapak ajam Birugo nantun ijo dikapak nan sabalah kida rami galanggang tidak tabado rami dek anak mudo2 dibatjo pulo sabalah suwok tasurek urang bakubua sahinggo pinggang ijo dihalaman Radjo Hangek Garang nan banamo Puti Ameh Urai makan nasi karak babijak kok siang basalinduang paneh kok malam basalimuik ambun nak hiduik tak buliah hiduik nak mati tak kundjuang mati. Nan surang lai banamo Puti Kasumbo injo bakubua sahinggo lihia datang hudjan kahudjanan datang haneh kapanehan rambuik di lembai2 ajia baitu bunji surek nantun.
Sadang dek si Untuang Sudah baru lah sudah dibatjo nan bak kian injo ma hampeh2kan diri injo malatjuik2kan tangan ajia mato giriang gumiriang bunji tangih ba buah2 bunji ratok ma hibo2 injo lah djatuah dari kurisi. Takadjuik Puti Raniak Djintan lalu bakato maso itu: „Tuan katjiak si Radjo Mudo apo sababnjo mangko salaku damikian sadjak sasudah mambatjo surek nantun kabakan malah pado hambo nak dapek hambo paham djo aratinjo aluran apo dituan urang nantun apo sababnjo tuan manangih”.
Mandjawab si Untuang Sudah: „Atjiak den si Ra-
69
