Biduak nan alah dilajiakan
ambiak sajak untuak panimbo
sadah djo siriah bali digudang
balango nan dari tanah djuo,
Isuak malah denai katokan
nan bakeh hati denai hibo
tampek sumangek den bagantuang
kudian atjiak ka tahu djuo.
Bakato Puti Ranjak Djintan: „Kalau baitu kato tuan banakan djuolah kini2 mak tantu hambo mahiraukan”, Mandjawab si Untuang Sudah: „Atjiak den si Raniak Djintan nan bakubua sahinggo pinggang itu banamo Puti Ameh Manah itulah mandeh kanduang hambo nan bakubua sahinggo lihia itulah Puti Kasumbo kakak kontan dibadan bambo”.
Mandanga kato nan bak kian manangih Puti Raniak Djintan ajia mato ba darai2 samo2 manangih kaduonjo sanan bakato Puti Raniak Djintan : „Kalau baitu bangso tuan tidak malah sambarang urang tuan nangko lai malah bangso Radjo2 djuo dahulu tidak tuan katokan koknjo dikampuang Kualo Dalam ijolah Puti Ameh Manah itulah urang nan tasabuik. Kini baitu malah lai usah hati diparusuah bana kito pai malah kakian kito pabuwek kuwe baratjun kito pabuwek ba matjam2 djuadah dibari baratjun kasadonjo nan tidak baratjun disisiahkan djuo nan ka untuak kito didalam kapa barisuak kito balajia”,
Namun dibari sahari nantun dipabuweklah sagalo kuwe2 dengan makanan salangkoknjo langkoklah sagalonjo maso nantun namun dimalam samalam itu sapi-
70
SI UNTUANG SUDAH
