Balari Pandeka Sutan balari tjando ka Kualo dek lamo lambek didjalan alah tibo injo di Kualo dilihek urang nan datang kironjo Puti nanlah tibo bakato Pandeka Sutan: „O atjiak Puti nan datang dari mano atjiak kamari bari luruih hambo batanjo hambo disuruah Radjo Hangek kan ijo mandjapuik atjiak”, katonjo Pandeka Sutan.
Mandjawab Puti Raniak Djintan: „Adiak kanduang Pandeka Sutan kalau ang sadjo nan mandjapuik bialah hambo tidak singgah tidak ang tahu di adat den sadjak dahulu sampai kini asa Radjo ijolah Radjo nan mandjapuik asa Puti ijolah Puti nan mandjapuik.
Kini baitu malah dek ang babaliak pulang lah dahulu katokan kapado Radjo Hangek bahaso hambo alah datang banamo Puti Raniak Djintan anak rang Djambak Djambu Lilin”.
Badjalan Pandeka Sutan awak kok ijo kanai kato hibo bati bukan kapalang alah babaliak injo pulang kapado angku Radjo Hangek. Alah dikabakan pado baliau bahaso ado urang nan datang ijolah Puti Raniak Djintan dangakanlah dek Tuanku alah dibawo injo pulang dikatokannjo kapado hambo: „Tidak patuik ang mandjapuik tidak ang tahu di‘adat den den barasa Puti2 asa Radjo ijolah Radjo nan mandjapuik asa Puti ijolah Puti nan mandjapuik kalau tidak sadamikian injo tidak namuah singgah ba‘a pikiran kito kini”.
Mandjawab si Radjo Hangek: „Adiak kanduang
72
