Mandjawab mandeh Ameh Manah duo dengan Puti Kasumbo : „Kok itu anak tanjokan usah disabuik duo kali tatakalo maso dahulu lai hambo baranak surang adiak dek Puti Kesumbo banamo si Untuang Sudah badjalan injo dahulu kalurah Situka Banang kini injo tidaklah tantu antah kamano injo pai antah lai hiduik antah lah mati tidaklah hambo mandapek kaba antah dimano anak kanduang. Kok lai injo disanan ijo dikampuang anak kanduang namonjo si Untuang Sudah kok lai babaliak anak kanduang banakan malah untuang hambo lihek dek kau kakak kanduangnjo siang malam lalok dihalaman datang hudjan kahudjanan datang paneh kapanasan baitu azab nan kami tangguang makan nasi karak babijak”.
Mandanga kato mandeh kanduang manangih si Untuang Sudah alah bangkak mato dek manangih injo lari ka udjuang biduak bakato Puti Raniak Djintan: „O mandeh kanduang dek hambo djiko salorong anak mandeh nan banamo si Untuang Sudah lupolah mandeh di ruponjo sadjak ketek mandeh tinggakan. Dangakan dek mandeh den katokan nan lari ka udjuang biduak itulah nan anak mandeh banamo tuan Untuang Sudah”.
Mahimbau Puti Ameh Manah: „Anak kanduang si Untuang Sudah anak kamari malah duduak”, alah datang
74
SI UNTUANG SUDAH
