Manangih Puti Kasumbo : „Adiak kanduang si Untuang Sudah lai moh kito ka basuo tidak den sangko ka hiduik lai kini ba'a pikiran ang ikolah djinihnjo parasaian”, Mandjawab si Untuang Sudah: „Atjiak den Puti Kasumbo eloklah saba kito dahula kok lai datang pambari Allah tabangkit djuo malah malu nangko".
Bakato si Puti Raniak Djintan: „Atjiak den Puti Kasumbo usahlah itu atjiak rusuahkan alah hambo babitjaro buruak baiak bak kato hamb0 malihek sadjo malah atjiak”.
Alah lamo injo babintjang alah mahimbau Pandeka Sutan : „Atjiak den Puti Ameh Manah dengan Puti Kasumbo batigo dengan Puti nan datang lamo bana kito disiko kito babaliak kini pulang kok bangih si Radjo Hangek”.
Bakato Puti Kasumbo : „Kalau baitu kato adiak dukuang malah badan kami”, Alah dipasang malah bendi lalu didukuang keduonjo dinaiakkan ka ateh kereta alah naiak Puti Raniak Djintan duo dengan Radjo Mudo kudo balari hanjo lai.
Dek lamo lambek didjalan hampia tasampai di galanggang tibo dihalaman Radjo Hangek alah naiak tjando karumah alah duduak Puti Raniak Djintan duo djo Puti Ameh Manah batigo djo Puti Kusumbo bakato Radjo Hangek : „Adiak kanduang Pandeka Sutan kubuakan malah urang nangko sudah paguno injo dek kito
SI UNTUANG SUDAH
75
