Mandjawab Puti-Raniak Djintan: „Dangakan malah dek angku dengan siapo hambo ka duduak kok diudji lai samo merah kok dikati lai samo barek tidak ado urang nan patuik salain dari Puti Ameh Manah kini baitu malah dek angku salamo hambo disiko tidak buliah injo dikubuakan ka lawan hambo ba bintjang2”
Diam sadjo si Radjo Hangek sabuah tidak injo mandjawab dirintang sadjo dengan galak tidak djadi malah bakubuakan. Sababnjo hambo datang kamari alah lamo dek batjinto taragak bana hambo diangku ijo bana ‘bak pantun urang :
Pariaman maulak karang
parulangan kapa pai mangajia,
Angan2 ka angku surang
sapantun hutang tidak babajia.
Sahidan dirumah balando
handak lalu mambali kain,
Tudjuah bulan dikanduang bundo
haram pangana ka nan lain.
Mandanga pantun Raniak Djintan galak rasanjum Radjo Hingek buruang bak raso ka marandah niat lah lamo dalam hati bakato Puti Raniak Djintan : :::Adiak kanduang Budjang Salamat bawo malah pamakanan nantun”. Sadang dek si Untuang Sudah dilatakkan malah djuadah kapado Tuanku Radjo Hangek bakato Puti Raniak Djintan : „Angku makan malah djuadah tando alamat putiah hati dari djauah hambo kamari”.
Dek urang si Radjo Hangek mandanga kato si Raniak Djintan hati batambah gadang djuo alah dimakan
76
