Mandjawab si Raniak Djiatan : „Angku kok alun makan nasi adiak kanduang Budjang Salamat”, katonjo Puti Raniak Djibtan: „Tampan ka litak angku kito adiak latakkan malah nasi”, sadang dek Budjang Slamat dilatakkan nasi nan baratjun alah makan si Radjo Hangek alah sasuwok nasi tamakan marasik darah kahiduang tadjatuah injo dari kurisi alah paniang malah baliau bakato Puti Raniak Djintan: „Tuan katjiak si Untuang Sudah mangapo tuan_lalai djuo ikolah djinihnjo untuang kito”.
Alah datang si Untuang Sudah alah dibukak rentjong Atjeh ditikam si Radjo Hangek tibo didado baliau bana darah manjambua maso itu sarupo ajam kanai tokok lamo sabanta antaronjo lalu mati si Radjo Hangek mamakiak urang dalam rumah Radjo kito ijo lah mati mupakatlah urang kasadonjo ditjari urang nan mambunuah batamu dengan si Untuang Sudah duo djo Puti Raniak Djiatan bakato urang nagari : „Apo sababnjo Radjo kami dibunuah”.
Mandjawab si Untuang Sudah : „Ampunlah hambo Niniak Mamak sababnjo Radjo hambo bunuah liheklah dek Tuanku parasaian mandeh hambo baduo dengan atjiak Puti Kasumbo manangguang azab patang pagi makan nasi karak babijak lalok dihalaman siang malam itu sababnjo damikian”. Mandanga kato damikian tapakua urang nan banjak.
Bakato Puti Ameh Manah : „Ampun baribu kali
77
