Halaman:Kaba Untuang Sudah.pdf/95

ampun ampunlah hambo dek Basa djo Handiko salorong urang nan mambunuah Radjo Hangek ijolah si Untuang Sudah anak kanduang dibadan hambo anak dek almarhum Tuanku Radjo Tuo injo bagala Tuanku Radjo Mudo ijolah Radjo dinagari Pajuang Sakaki nao di Taluak Kualo Dalam.” Patuik bana mandjapuik malu tidak patuik kito salahkan kini baitu malah dikito kito angkek injo mandjadi Radjo manggantikan gala bapaknjo ijolah Tuanku Radjo Tuo tidak buliah mahilak lai kito manjambah kasadonjo”.

Urang mupakat malah lai alah diangkek mandjadi Radjo sabab itu pusako bapaknjo duo nagari diparentahinjo bakato Pati Raniak Djintan: „Tuan katjiak si Untuang Sudah parentahkan malah ka anak buah suruah kali malah kuburan suruah kubuakan si Ambun Suri supajo tjukuik tabajia hutangnjo nak tatabuih gadaian lamo nak ditangguangnjo pulo azab nak tahu di sakit padiah.

Bakato si Untuang Sudah : „Adiak kanduang si Raniak Djintan tidak guno injo kito kubuakan bialah urang salah niat kito baniat baiak djuo Tuhan Allah ado manolong kini baitu hanjo lai kito pulang malah ka kampuang malihek si Kambang Manih antah lah Mati injo kini". Alah dipasang malah bendi naiakiah Pati Ameh Manah duo djo Puti Kasumbo batigo dengan si Raniak Djintan barampek dengan si Untuang Sudah Dubalang rapek mahiriangkan Pandeka Sutan nan djadi kusia.

Dek lamo lambek didjalan kok djauah balunlah sampai kok hampia tibolah kini alah tibo garan disanan di Andun baputjuak merah alah tibo ditangah halaman

78

SI UNTUANG SUDAH