Alah naiak si Untuang Sudah naiaklah pulo si Raniak Djintan naiaklah urang kasadonjo dihimbau si Kambang Manih himbaunjo tidak basahuti dilihek dalam kulambu injo tidua bagaluang bagai kutjiang badannjo kuruih bagai pimpiang makan tidak minumpun tidak.
Mahimbau si Untuang Sudah: „Atjiak den si Kambang Manih atjiak djago malah lalok dagang djauah djauah nan lah pulang alah tabangkit batang tarandam”.
Mandanga himbau si Untuang Sudah takadjuik si Kambang Manih sarupo suaro adiak kanduang alah didjalangkan malah mato alah tahu injo didirinjo alah tampak si Untuang Sudah alah tampak Puti Ameh Manah batigo djo Puti Kasumbo tampak pulo si Raniak Djiatan sudjuik manjimpuah si Kambang Manih banduanglah ratok tangah rumah. Kiro2 duo bulan antaronjo alah sehat si Kambang Manih alah sehat Puti Ameh Manah sarato dengan Puti Kasumbo alah datang urang kampuang kasadonjo babaliak manudju rumahnjo masiang2.
Adolah pado suatu hari sadang badjuntai dikurisi ijolah dengan bundo kanduang sarato dengan kakaknjo tabitlah pikiran maso itu ijo dek Puti Raniak Djintan takana diajah dengan bundo takana labuah dengan tapian takana kampuang djo halaman lalu bakato maso itu: „Manolah bundo kanduang hambo sarato atjiak Puti Kasumbo barilah izin hambo dek bundo karano karadjo alah salasai nagari alah aman pulo kok bundo kan lah sehat atjiak hambo baitu pulo hambo ka pulang ka nagari ijo ka Djambak Djambu Lilin alah la-
SI UNTUANG SUDAH
79
