↓Laman ko alah sah
Banjak urang suok kida — mantjaliek laku si Djuki — tabik bantji timbua lah djadjok — banjak manjumpah djo babisiek:
- „Parangai sarupo musang djantan — lalok siang badjalan malam — ajam urang indak nan sadang — iduik manjeso urang kampuang. Mati si Djuki djo si Gambuik — raso kagalak rang nagari.
Satangah pulo kato urang:
- „Ambiek pangadja lah dek kito — kalau anak diadja mandjo — buruak elok ditjaliek sadjo — indak diadja dididik — sikola mengadji indak pulo. Banjak urang baranak surang — indak sarupo mandeh si Djuki — lah kini mangko marasai — kato urang indak didanga”. Bamatjam matjam kato bagalan — ado mamudji maantakkan.
- „Rasaikan bana bakeh tangan — kalau hati sadang bangih — mambunuah mendeh indak anggak — mandeh tjilako indak bapikie — lain dimintak lain pambari - disabuik sabuik urang pamain — orang pamain indak nan kajo.” katonjo budjang si Djuki — bakato kata dalam hati.
- „Oh Tuhan. Perkenankanlah pintaku. Mati ditiang gantungan djualah si
Djuki anakku jang durhake. Atau terbuang djauhlah ia hendaknja".
Ibu ditinggaan begitu sadja.
Tudjuanja kini hanja satu. Kegelanggang di Sungai Pasak. Ia tjari djalan memintas. Ber-iring2 dengan si Gambut, menempuh sawah2, semak2 belukar dipeladangan.
15
