↓Laman ko alah sah
- 6 -
17
Atoeh djaroem atoeh koelambai,
Atoeh maniq mano liangnjo;
Takaba toean di lawiq tjandai,
Kaloe naq naiq dima djandjangnjo.
18
Anaq gagaq dalam padi,
Anaq si ontang ateh pisang;
Barang di agaq tidaq mandjadi,
Dimano kampoeng boelih sanang.
19
Gadja menong di oetan Djao,
Bagisiq patah gadingnjo;
Ameh peraq timbangan njao,
Toean sorang soeka bandingnjo.
20
Radjo Djohan pasang kinari,
Djatoeh di taloeq banda dalam ;
Toean baiq amat djoari,
Tampeq sajo bakirim salam.
21
Boeah salaq di randang malam,
Makanan oerang di paraoe;
Oerang banjaq tapandang haram,
Toean sorang soenat paraloe.
22
Asoq api di goenoeng roewang,
Oerang mambakar limau antoe ;
Oedjoed di ati toean s'orang,
Bagai mangadoq goenoeng satoe.
