↓Laman ko alah sah
- 7 -
23
Aji Adji banda koelipah ,
Katigo bandar rang Kinali ;
Toean sa pantoen soereq soedah,
Tidaq di batjo doeo kali ,
24
Baiq pasirnjo naq rang Bajang,
Badoro polan di sei aqkan ;
Sadang baraboeiq kasih djo sajang,
Badoso toean mailaqkan .
25
Tagoen? di goenoeng Koerintji,
Asam Pau sandaran doelang ;
Toeroen amboen samo tangisi ,
Toean nan djaoeh di rantau oerang.
26
Loeroeih kadang soempitan ,
Panjoempiq oendan nan baranang ;
Koq lai loeroeih angin toeroetan ,
Salamatlah toean ka soebarang.
27
Anaq oerang rambajan tangah,
Banamo Soeko Birai :
Siapo taoe karam di tangah ,
Kapoelau mano toean pai.
28
Roemah gadang basandi peraq ,
Anaq retjo di dalam padi ;
Awaq sanang badan takoetjaq,
Manaroeh seso dalam ati .
