↓Laman ko alah sah
- 9 -
35
Etiq sagadang anaq ajam,
Tidaq rang toe di bandoengnjo ;
Katjiq sagadang bidjo bajam ,
Boemi djo langiq di kandoengnjo.
36
Mas demang di gambar wajang.
Radjo oetoes sultan Bantan :
Ibareq tjinto batjampoer sjang,
Batoe djemeroet mandjalang itan .
37
Anaq Tjino bamain gambang,
Mato pena doedoeq menoelis:
Sabab sajo barati bimbang,
Inginkan boengo tjampago welis.
38
Haroem baoemjo boengo dalimo,
Boengo maloer di dalam taman :
Haroq tjinto goesti tarimo,
Baiq -baiq pagang padoman ,
39
Boekan sajo kinari sadjo,
Kinari anaq rang Talang:
Boekan sajo kamari sadjo ,
Gadang makasociq nan didjalang.
40
Baboeni badi di Djapoen ,
Oerang parang Kalimo Koto:
Kato nan tidaq ka dioemoen ,
Sajo mamintaq di tarimo,
