↓Laman ko alah sah
- 157 -
895
Kajoe gadang di pasar Baroe
Kakida djalan api api;
Haram lillah ambo koq tahoe,
Boengo ini di larang Nabi.
896
Soetan di benteng main galo,
Soeto balamoen dalam tjamin:
Awan tasenseng gabaq tibo,
Tampan kalago boengo angin.
897
Koewoq ditabang timan timah.
Pandan tasanda di indaroeng;
Nasi disoeoq toelang lamah,
Badan takana adik kandoeng.
898
Apo takileq di soebarang,
Radjo Amat, manangkoq koedo:
Pandal pandai tolan batenggang:
Soedah kiamat gampo poelo.
899
Kamba bodi kambang pigago,
Kasiq didalam tamboen toelang;
Abih boedi amat bitjaro;
Adik didalam tangan oerang.
900
Anak radjo tagak bapajoeng,
Tagak badoeo dikamoedi;
Boemi antjoeh langit bagoeloeng,
Tidak kami moengkirkan djandji.
