↓Laman ko alah sah
Paham babisiak dalam batin
budi manunggu ka alemu;
Pado talatak bagai kain
rancak diguntiang jadi baju.
III. MAMAK DAN KEMENAKAN SEKARANG
Barapi mako barasok
tungku nan tigo sajarangan
banamo cadiak tahu pandai
pamenan lareh nan duo;
Dibilang-bilang di atok
pandanglah budi kapantiangan
nan bak mandaki banda sondai
tenggang baalah jo bicaro.
Kulik lah manganduang ala
manulak 'lah sampai ka panguba
binaso tareh nan di dalam;
Sulik tubuah bapaham caia
kok sampik alam nan leba
lahia batin dunia kok karam.
Kok dicurai dipapakan
dalam kulik 'lah tampak isi;
Dangka kok alah ka subarangan
mamak nan indak baharago lai.
10
